Rishta almost sabko psnd hai….dono families k faces se pta
chal rha hai….
Boy Father : bhai aajkal modern zamana hai…ladka ladki akele
me baat krna chah rhe honge….
Girl Father to girl :
Beta jao…apna ghar dikhao…iss bahane apas me thodi baat kr lena
Girl : baat krni to hai…pr sabke saamne…aisi koi baat nhi
hai jo akele me ki jaaye…hum log iss se pehle kabhi mile bhi nhi hai…Main bs
kuch puchna chahti hu
Boy family confused
Girl to Boy father : dariye mat…aisa kuch nhi puchne wali hu…bs
jaisa k aap logo ne bataya k apki family me sirf 3 log hai…aap, aur aapke dono bête….
To fir ghar ka kaam kaise hota hai
Boy father : beta 2 saal pehle meri biwi chal basi…ghar to
ek aurat hi sambhal skti hai….to hamara ghar aaj tak nhi sambhala….isliye to
apne bade bête ki shadi karwana chahta hu jaldi se jaldi…..
Boy : rhi baat kaam ki….to pichle one and half year se maid
lga rakhi hai…wahi ghar ki sari saaf safai krti hai…subah ka nasta bana k jati
hai…aur hamare kapde bhi dhoti hai…..
Boy father : pr beta naukrani to naukrani hoti hai….uske
hatho me wo baat kahaan…ek baar ghar ki bahu aa jaye…to iss naukari se picha
chute…bahut nakhre hai iske…hafte me 2 baar kapde dhoti hai…2-3 ghante lga deti
hai….aur naukrani pr vishwas bhi nhi kr skte isliye mujhe apni dukan chod kr
ghar me baithna padta hai…
Girl : to kya apki naukrani hath se kapde dhoti hai I mean
washing machine nhi hai
Boy father : beta inki maa bhi hath se hi kapde dhoti thi….fir
jab inki maa chal basi tab se koshish kr rhe hai k bade bête ki shadi karwa de…..to
socha jab bahu ghar me aayegi to ghar k saaman k sath machine bhi le aayegi….isliye
nhi kharidi
Girl : ladkiyon k naukri krne k bare me apki kya soch hai
Boy father : hum bade hi khule dimag k hai beta..hume to
naukri krne wali bahu hi chahiye…waise bhi hamare ghar me kaam hi kitna hai….hum
3 log to hai….kya karogi ghar me khali baith kr…
Girl : jab aapke ghar me kaam thoda sa hai to maid ki kya
zarurat thi
Boy : actually job k baad hum dono (apne bhai ki taraf
ishara krte huye) itna thak jate the k apne kaam bhi nhi hote the…aur dad ki
bhi umer ho chuki hai…aur kapde dhona, bartan krna hum logo ki bas ki baat nhi
hai….
Boy father : isliye beta chahte hai k jaldi se jaldi ye
shadi ho jaye….teeno time dhang ka khana to milega…
Girl : apki naukari 3 time khana nhi banati????
Boy : wo subah sirf nasta bana kr jati hai…dophar ka lunch
hum log apne office canteen me krte hai…aur dad bahar se mangwa lete hai….aur
raat ko ya to bahar se kahna le aate hai…ya fir bread butter se kaam chalate
hai….
Girl : agar shadi k meri naukri choot gyi to????????
Boy father : aise kaise naukri chali jayegi…. Itne time se
tum naukri kr rhi ho……apna kaam imandari se karogi to naukri kabhi nhi jayegi….
Girl : aur agar main shadi k baad naukri chod du to???
Boy : naukri chodne ki kya zarurat hai…..hamare ghar me kam
hi kitna hai…hum sirf 3 hi log hai .tum bhi naukri karogi to hum log apna life
style aur accha kr skte hai….
Girl : thik hai main job nhi chodungi…pr main chahungi k
shadi k baad bhi apni salary apne parents ko du
Boy father : beta ji…shadi k baad sasural hi ladki ka ghar
hota hai….haan zarurat padne pr hum mana nhi karenge….akhir tumhara pariwar hai
ye….pr shadi k baad ladki ka pehla kartavya sasural ki taraf hota hai…..aur 2
paise jodoge tum log…to tumhare hi future me kaam aayenge….aur ghar ka kaam
krna to waise bhi ladkiyon ka farz hota hai
Girl : agar ghar ka
kaam krna ladkiyon ka farz hai to fir kama kr khilana ladko ki duty hoti hai…ladkiyaan
kyun kamaye……aur agar kamaye to apni kamai ko kaise use kre…ye unki personal
choice honi chahiye….
Girl father : maaf kijiye…meri beti ki adat hai har baat ko
jachne parkhne ki……
Boy father : hume to lg rha hai k aapki beti ko ya to mera
beta psnd nhi aaya…ya fir aapki beti shadi nhi krna chahti…..isliye keh rhe hai
soch k jawab dijiyega…hume apki haan ka intzaar rahega……
(boy family chali jaati hai..)
Girl father : ye kya behuda swal puch rhi thi
Girl : galat kya hai
isme……un logo ko bahu nhi naukrani chahiye
Girl father : apne ghar ka kaam krne se koi naukrani nhi ho
jata…..
Girl : accha to bahu k ghar me kadam rakhte hi wo log ghar
ki maid ko nikal denge…abhi ek whqt ka khana nasib nhi ho raha un logo ko ghar
ka….bahu k aane k baad 3 whqt ka ghar ka khana chahiye….. naukrani hafte me 2
baar kapde dhoti hai to use 2-3 ghante lgte hai…pr bahu ko time nhi lagega…bahu
naa ho gyi machine ho gyi….aur sabse badi baat…..unhone har baar ye kaha hum 3
logo ka hi to kaam hai…. matlab ghar ki bahu ka personal koi kaam hoga nhi…wo
sirf inn 3 logo ka kaam karegi…..
Girl mother : beta tu akeli uss ghar pr raaz karegi…tu hi maharani
tu hi naukrani
Girl : maharani to pta nhi pr naukarani pakka ban jaungi……wo
bhi kamau naukrani…jo ghar ka bhi kare…aur bahar naukri krke inhe paise kama kr
bhi de…. In logo se job se aane k baad kaam nhi hota itna thak jaate hai k
naukari rakh li…..pr bahu…pehle subah sabko nasta bana kr de…fir sabke lunch
bana kr office jaaye….fir office me din bhar kaam kare….fir ghar wapas aakar
fir se khana banaye…aur inke wapas aane pr ek awaz me sab cheeze taiyar rakhe…..bahu
insan thodi hai jo thak jayegi……Uske baad bhi main apni salary kaise use krti
hu wo ye log decide krenge main nhi….
Girl father shouting : to kya sari zindagi kuwari rahegi
Girl : not a bad idea….agar aap log mujhe ghar chodne ko bol
bhi dete ho to mere pass job hai…mujhe rehne k liye ghar mil jayega….fir main wahaan
jaise ji chahe reh skti hu….
girl mother : tujhse apne kaam hote hai
Girl : wahaan mujhe
sirf apne kaam krne honge… kisi aur k nhi….sirf khud k liye khana banana hoga,
khud k kapde dhone honge….sab kuch sirf apne liye…aur iss se shadi karti hu to
apne alwa 3 logo ka kaam krna hoga… akele rehti hu to main khud decide karungi
k mujhe apni salary kaise use krni hai….aur iss ladke se shadi k baad ye log
decide karenge k mujhe apni salary ka kya karna hai…..
Girl mother : ghar ka kaam krne se koi chota nhi ho jata….aur
ghar ka kaam ladkiyon ka farz hota hai
Girl : to kama kr khilana uss insan ka farz hota hai jo
ladki se shadi krta hai…wo ladki ko pressure nhi de skta k ladki bhi job kare….aur
un logo ki demands bhi to hai k shadi shandar honi chahiye…unka bada beta hai… shandar
shadi se matlab acchi khasi shadi aur accha khasa dahej….aur uske baad kamau
bahu…. Jo unke dahej ki kishte sari zindagi kaam krke chukati rahe……………
Girl parents k pass kuch bacha nhi hai samjhane ko…..aur
girl uth kr apne room me chali jati ahi….
NOTE : THIS IS A IMAGINATORY CONVERSATION….BUT NEAR TO TRUTH….DO COMMENT WHAT U THINK
No comments:
Post a Comment